L-Enemalta sorpriża għat-tilwima industrijali mħabbra mill-GWU
03/02/2010
L-Enemalta tixtieq tesprimi is-sorpriża tagħha għat-tilwim industrijali mħabbrin mill-GWU minkejja li l-Korporazzjoni mxiet mal-qbil li kellha mal-Union wara t-taħdidiet li saru fit-22 ta’ Jannar. B’sorpriża, l-Union ordnat azzjonijiet ġimgħatejn biss wara dawn it-taħdidiet. Il-GWU qiegħda tkun inkonsistenti fil-pożizzjoni li qed tieħu u għal darba oħra qed tiġi mitluba biex tkompli tiddjaloga minnflok li tordna azzjonijiet industrijali. Ta’ min jinnota li f’dan l-aħħar tnax-il xahar l-Union ordnat 5 azzjonijiet industrijali fis-sezzjoni tal-Credit Control; sezzjoni li hi magħmula minn 9 impjegati.
L-Union naqset li tosserva l-ftehim kolletiv billi tirrisolvi l-każ quddiem id-Direttur tad-dipartiment ta’ l-Impjieg u Relazzjonijiet Industrijali permezz ta’ konċilljazzjoni qabel ma ordnat l-azzjonijiet.
Il-Korporazzjoni għal darba oħra qed tistieden il-GWU biex tirtira id-direttivi tagħha u tkompli bid-diskussjonijiet.
Nirvana Azzopardi
Public Relations and Marketing Officer
|
Contact
us
POWER
INTERRUPTIONS
