Dwarna Archives - Enemalta

Diretturi u Maniġment

Lorraine Gravino — Mon, 19 Nov 2018 10:21:40 +0000

Diretturi u Maniġment

Il-Kumpanija tagħna hija mmexxija minn Bord tad-Diretturi maħtur mill-azzjonisti tagħna. L-amministrazzjoni tal-operazzjonijiet tagħna hija fdata f’idejn Bord ta’ Tmexxija li jinkludi kapijiet eżekuttivi u maniġers diviżjonali.

L-azzjonisti tagħna huma l-Gvern ta’ Malta u Shanghai Electric Power.

Board of Directors
Ċermen Eżekuttiv	Ryan Fava
Deputat Ċermen	Yao Zhou
Diretturi	Huifeng Zhang Jun Shi Brian Tabone Trustin Farrugia Cann Kenneth Swain Mary Mifsud Paula Grech Bonnici
Segretarju tal-Board	Andrew Saliba

Bord ta’ Tmexxija
Ċermen Eżekuttiv	Ryan Fava
Direttur Eżekuttiv għall-Finanzi u Liġi	Duncan Baldacchino
Direttur Eżekuttiv għall-Kummerċ tal-Enerġija u Trasmissjoni tal-Elettriku	Stefan Calamatta
Deputat Direttur Eżekuttiv għall-Finanzi u Liġi	Yu Song
Deputat Direttur Eżekuttiv għall-Kummerċ tal-Enerġija u Trasmissjoni tal-Elettriku	Brad Weng
Maniġer Diviżjonali għall-Istrateġija ul-Kummerċ	Norman Zammit
Maniġer Diviżjonali għall-Finanzi	Stephen Caruana
Maniġer Diviżjonali għall-ICT	Duncan Mallia
Maniġer Diviżjonali għar-Riżorsi Umani	Redent Balzan
Maniġer Diviżjonali għad-Distribuzzjoni	Alistair Camilleri
Maniġer Diviżjonali għad-Distribuzzjoni	Bernard Farrugia
Maniġer Diviżjonali għad-Distribuzzjoni	John Caruana
Maniġer Diviżjonali Procurement	Jacqueline Gili

The post Diretturi u Maniġment appeared first on Enemalta.

Dwarna – L-istorja tal-elettriku

Lorraine Gravino — Mon, 19 Nov 2018 08:44:12 +0000

L-istorja tal-elettriku

2017

L-aħħar impjant tal-enerġija mħaddem bil-heavy fuel oil li kien għadu jopera f’Malta, l-impjant ta’ Delimara 1 tal-1992, intefa u tqiegħed f’cold standby fl-24 ta’ April 2017.

Fl-istess jum, Electrogas Malta tinawgura l-impjant CCGT il-ġdid imħaddem bil-gass ta’ Delimara 4 u l-faċilitajiet relatati ta’ provvista u rigassifikazzjoni tal-LNG.

Minn dakinhar, it-taħlita għall-ġenerazzjoni tal-elettriku ta’ Malta ma għadhiex dipendenti fuq impjanti jaħdmu bil-heavy fuel oil sabiex ikun assigurat livell adegwat ta’ sigurtà tal-provvista. Minflok, il-pajjiż qiegħed jadotta taħlita diversifikata tal-enerġija bbażata fuq żewġ impjanti li jaħdmu bil-gass, l-Interconnector bejn Malta u l-Italja, sorsi ta’ enerġija rinnovabbli konnessi mal-grid u livell adegwat ta’ kapaċità ta’ emerġenza permezz tal-impjanti ta’ Delimara 2 li jaħdmu bil-gasoil.

2017

Hekk kif l-impjant il-ġdid li jaħdem bil-gass u l-impjant ta’ Delimara 3 konvertit għall-gass f’Delimara għaddejjin mill-ittestjar finali u jibdew jiġġeneraw l-elettriku, il-Power Station tal-Marsa m’għadx hemm bżonn li tibqa’ fuq cold standby. Hija ġiet skonnettjata kompletament mill-grid nazzjonali sabiex tkun tista’ tkompli titwaqqa’ fit-12 ta’ Marzu 2017.

2015

Fid-9 ta’ April 2015, il-Prim Ministru ta’ Malta u l-Prim Ministru tal-Italja jinawguraw l-Interconnector ta’ 200 MW twil 120 bejn Malta u l-Italja, li jgħaqqad il-grid tal-elettriku Maltija man-netwerk tal-enerġija Ewropew.

2015
Fid-9 ta’ Marzu 2015, il-Power Station tal-Marsa tintefa u titpoġġa fuq cold standby, tistenna d-dekummissjonar finali. Iż-żarmar ta’ din il-power station ta’ 62 sena diġà beda.

2014
F’Diċembru 2014, Enemalta tiffirma ftehim ta’ investiment strateġiku ta’ bosta miljuni ma’ Shanghai Electric Power, li permezz tiegħu l-fornitur ta’ servizzi tal-enerġija internazzjonali kklassifikat triple-A akkwista parteċipazzjoni azzjonarja ta’ 33% f’Enemalta plc. Iż-żewġ Kumpaniji jniedu wkoll żewġ impriżi konġunti, li se jippermettu lill-Enemalta tiftaħ opportunitajiet ġodda ta’ negozju fir-reġjun tal-Mediterran, u lil hinn, f’żewġ setturi li qegħdin jikbru – proġetti tal-enerġija rinnovabbli u l-manutenzjoni tal-ġenerazzjoni u d-distribuzzjoni tal-enerġija.

2014
Fil-25 ta’ Awwissu, ġiet stabbilita Enemalta plc biex tieħu f’idejha l-infrastruttura u l-operazzjonijiet tal-ġenerazzjoni u d-distribuzzjoni tal-elettriku li qabel kienu amministrati mill-Korporazzjoni Enemalta. Id-Diviżjoni tal-Petroleum tal-Korporazzjoni ġiet trasferita għal entità governattiva separata, Enemed Co. Ltd.

2013

Biex issegwi politika ġdida tal-gvern, Enemalta tniedi proġetti maġġuri biex tieqaf tuża l-heavy fuel oil fit-taħlita tagħha għall-ġenerazzjoni tal-elettriku u minflok taqleb għall-gass naturali. Din il-bidla hija mistennija li twassal għal titjib sostanzjali fil-kwalità tal-arja u għal tnaqqis fl-ispejjeż tal-ġenerazzjoni. Il-proġetti jinkludu l-bini ta’ impjant ġdid f’Delimara u d-dekummissjonar tal-unitajiet ta’ ġenerazzjoni l-qodma operati mill-Enemalta.

2012

Fl-14 ta’ Diċembru 2012, l-Enemalta tieħu uffiċjalment f’idejha l-estensjoni l-ġdida ta’ 149 MW f’Delimara, li tinkludi tmien magni diesel Wartsila li joperaw f’modalità ta’ ċiklu kombinat u turbina waħda tal-fwar.

2010

Fl-14 ta’ Diċembru 2010, l-Enemalta flimkien mad-Dipartiment tal-Kuntratti u l-Ministeru tal-Finanzi ffirmaw il-kuntratt ta’ aġġudikazzjoni ma’ Nexans, għall-bini ta’ Interconnector bejn Malta u Sqallija, li se jara l-grid tal-elettriku tal-gżira mqabbda permezz ta’ kejbil taħt il-baħar mal-Ewropa kontinentali.

2005

Fl-2005 l-Enemalta ntrabtet li tixtri l-enerġija rinnovabbli ġġenerata fil-gżejjer Maltin.

2001

Fl-2001, l-Enemalta reġgħet ikkummissjonat il-preċipitaturi Elettrostatiċi li oriġinarjament kienu installati fuq il-bojlers imħaddma bil-faħam biex jitħaddmu fuq il-bojlers li jaħdmu biż-żejt fil-power station tal-Marsa biex tnaqqas l-emissjonijiet tat-trab b’99%.

1999

Fl-1999, l-Enemalta kkummissjonat impjant ta’ ġenerazzjoni b’ċiklu kombinat li juża gażojl b’0.2% kubrit.

1995

F’April 1995, l-Enemalta waqfet tuża l-faħam bħala karburant għall-impjanti ta’ ġenerazzjoni tagħha, u b’hekk naqqset l-emissjonijiet tas-CO2 u tat-trab.₂and dust emissions.

1994

Tiġi dekummissjonata l-Power Station A ta’ taħt l-art.

1990

Fl-1990 tiġi miżjuda turbina tal-gass oħra b’ċiklu miftuħ GE frame 6 ta’ 37 MW mal-impjant tal-Marsa.

1978-1987

Hekk kif id-domanda għall-elettriku kompliet tiżdied, il-Power Station tal-Marsa implimentat diversi proġetti sabiex testendi l-kapaċità ta’ ġenerazzjoni tagħha. Inġiebu tliet turbini General Electric / Ansaldo San Giorgio ta’ 30 MW lejn Malta minn Palermo, fi Sqallija u dawn reġgħu ġew armati fil-Power Station tal-Marsa minn ħaddiema tal-Malta Drydocks u tal-Enemalta. Matul l-istess perjodu, żewġ bojlers oħra, il-Bojler 7 u l-Bojler 8, kull wieħed kapaċi jipproduċi 60 MW ta’ fwar, kienu akkwistati mir-Renju Unit u installati fl-istess impjant. Fl-1987, inġiebet Malta turbina tal-fwar Parsons / Rolls Royce ta’ 60 MW minn Little Barford, fir-Renju Unit.

1977

Fl-1 ta’ Ottubru, iddaħħlet leġislazzjoni ġdida sabiex tistabbilixxi l-Enemalta, korporazzjoni governattiva ġdida fdata bl-iżvilupp u l-operat tal-ħtiġijiet enerġetiċi tal-pajjiż, inklużi l-elettriku, il-gass u l-fjuwils miż-żejt. B’din il-liġi, l-Enemalta ħadet il-post tal-Bord Malti għall-Elettriku, il-Bord għall-Gass u s-Sezzjoni għaż-Żejt tal-Ministeru tal-Iżvilupp, l-Enerġija, il-Portijiet u t-Telekomunikazzjoni.

1970-1971

L-Istazzjon B kompla jiġi estiż b’żewġ bojlers ta’ 30 MW u turbini tal-fwar Franco Tosi. Ġiet inawgurata wkoll unità ta’ distillazzjoni tal-ilma baħar ta’ tliet miljun gallun/ġurnata.

1966

Ġiet inawgurata l-Power Station il-ġdida, magħrufa bħala l-Istazzjon B tal-Marsa. Dan l-istazzjon, li nbena fuq l-art qrib l-istazzjon ta’ taħt l-art, kellha żewġ Turbo Alternator Units Franco Tosi ta’ 12.5 MW. Huwa kellu wkoll impjant ta’ desalinazzjoni ta’ miljun gallun kuljum li kien jipprovdi provvista tal-ilma lill-irħula fil-qrib. F’dan ir-rigward, l-istazzjon sar l-ewwel impjant tal-enerġija u l-ilma fid-dinja.

1960 – 1965

Minħabba d-domanda kostanti għall-provvista tal-elettriku u minħabba d-diversifikazzjoni tal-ekonomija tal-gżira, fl-1960, l-istazzjon ta’ taħt l-art fil-Marsa ġie estiż b’żewġ turbini tal-fwar Metropolitan Vickers ta’ 5 MW. Ħames snin wara, dan reġa’ ġie estiż b’Turbo Alternator tal-Gass Fiat ta’ 5.7 MW. Minħabba n-nuqqas ta’ spazju fil-mini ta’ taħt l-art li fihom kien hemm l-istazzjon, ġie deċiż li għandha tinbena Power Station ġdida qribu.

1954-1959

Id-domanda biex jiġi fornit l-elettriku lill-aktar villaġġi remoti, speċjalment dawk fit-Tramuntana tal-gżira, kienet qiegħda ssir b’mod kontinwu mir-residenti. Sabiex jinforma ruħu dwar id-domanda, il-Gvern ikkummissjona studju tal-fattibbiltà biex jara x’passi kellhom jittieħdu. Ġie rakkomandat li kien aktar vijabbli li Għawdex jiġi servut mill-Power Station f’Malta u fl-1957 tpoġġew żewġ kejbils f’qiegħ il-baħar mill-Marfa għal Kemmuna u minn Kemmuna għal Għawdex. Dan ġie kkummissjonat fl-1958. F’Jannar 1959, il-Power Station ta’ Għawdex waqfet topera u hekk intemm kapitlu ieħor fl-istorja tal-elettriku tal-gżejjer Maltin.

1954-1958

Wara l-ikkummissjonar tal-Power Station il-ġdida, bdiet era ġdida. L-introduzzjoni ta’ sistema 3-phase b’50 ċiklu kienet teħtieġ il-bidla kompleta tal-installazzjonijiet u t-tagħmir tan-netwerk tad-distribuzzjoni. Dan il-programm ambizzjuż beda fl-1954 u dam għaddej erba’ snin. Din il-biċċa xogħol kienet tirrikjedi li l-koordinazzjoni tal-ħaddiema u r-riżorsi materjali titlesta fi żmien hekk qasir. Dawn is-snin kienu magħrufa bħala l-“perjodu tal-bidla” meta l-provvista tal-elettriku u n-netwerk tad-distribuzzjoni nqalbu minn single-phase b’100 ċiklu għal three-phase b’50 ċiklu. Il-bini mill-ġdid tas-sistema tad-distribuzzjoni kien jinvolvi t-tqegħid ta’ kejbils three-phase ta’ 11 kV u t-twaqqif ta’ kejbils fil-għoli ta’ 11 kV, il-bini ta’ substations ġodda u s-sensil tal-mejns ta’ servizz 3-phase ta’ 415/240v.

1953

Il-Power Station il-ġdida, li ġiet installata fil-mini mħaffra taħt l-Għolja tal-Ġiżwiti, fil-Marsa, ġiet inawgurata fil-5 ta’ Diċembru 1953. Din kienet tiġġenera l-elettriku b’50 ċiklu three-phase permezz ta’ tliet turbini tal-fwar Westinghouse ta’ 5MW. Il-kapaċità installata ta’ dan it-tagħmir ġdid kienet ta’ 15 MW.

1949 (GOZO)

Fl-1949 f’Għawdex ġiet installata unità ġdida b’kapaċità ta’ 120 kW. Dan tella’ l-kapaċità totali għal 180 kW minħabba li nbidel ukoll xi apparat antik. Matul l-istess perjodu, ġie installat ukoll alternator b’kapaċità ta’ 200kW sabiex ikun jista’ jipprovdi għad-domanda eżistenti għall-elettriku. It-tagħmir il-ġdid ġie inawgurat f’Awwissu 1951. Minħabba dan it-titjib, sal-1953, l-elettriku ġie introdott ukoll f’xi wħud mill-villaġġi rurali tal-gżira.

1948 – 1949

Wara t-Tieni Gwerra Dinjija, il-Gvern Malti fittex għajnuna taħt l-Iskema tal-Marshall Aid għall-irkupru tal-Ewropa mkissra mill-gwerra. Tfittxet għajnuna finanzjarja biex tiffinanzja l-ispiża tal-impjant u tat-tagħmir għal Power Station ġdida biex finalment tieħu post dik fix-Xatt ta’ Lascaris. L-Amministrazzjoni Ekonomika tal-Istati Uniti tal-Amerika, wara aktar minn sena ta’ diskussjonijiet, approvat l-għotja.

1936 (GOZO)

Għaxar snin wara l-introduzzjoni tal-elettriku fil-gżira ta’ Għawdex, il-gvern approva s-sistema 3-phase b’50 ċiklu.

1935

Fl-1935 reġgħu tressqu proposti għal impjant akbar u din il-proposta għal darba oħra kienet tinkludi l-konverżjoni tas-sistema ta’ distribuzzjoni antikwata għall-operazzjoni standard 3-phase b’50 ċiklu. Madankollu, il-bidu tat-Tieni Gwerra Dinjija kien ifisser li dawn il-pjanijiet ġew sospiżi għal darba oħra.

1922 – 1933

Fl-1920 saret rakkomandazzjoni biex l-alternators qodma mħaddma bil-magni fil-Power Station ta’ Lascaris jiġu sostitwiti b’sistema ta’ turbini tal-fwar ta’ kapaċità ogħla. Din kienet tinkludi, l-introduzzjoni ta’ sistema ta’ operazzjoni 3-phase b’50 ċiklu. Minħabba l-ispejjeż għoljin involuti, din il-proposta ġiet imwarrba mill-Gvern tal-ġurnata. Sentejn wara, wara rapport dwar il-provvista tal-elettriku f’Malta, is-sistema proposta ġiet introdotta.

1925 – 31 (GOZO)

Wara deċiżjoni meħuda fl-1925, inbniet Power Station fi Triq Santa Domenika fir-Rabat Għawdex. Il-provvista ġiet inawgurata fl-1 ta’ Awwissu 1926. L-impjant ta’ ġenerazzjoni kien jikkonsisti minn żewġ unitajiet ta’ Settijiet ta’ Alternators Diesel ta’ 44 kVA. Id-domanda għall-elettriku kienet pjuttost ristretta f’Għawdex minħabba l-fatt li din kienet soċjetà agrarja bi ftit li xejn industrija mekkanizzata. Għalhekk l-elettriku kien jintuża prinċipalment għal skopijiet ta’ tidwil. Fl-1931 ġie miżjud aktar tagħmir, li tella’ l-kapaċità għal 94 kVA. Matul dan il-perjodu, il-provvista kienet tiġi pprovduta prinċipalment wara l-għabex u f’xi okkażjonijiet matul il-ġurnata.

1904 – 1915

Matul dan il-perjodu, minħabba l-espansjoni tas-sistema tal-elettriku f’Malta, żdiedu aktar unitajiet ta’ ġenerazzjoni mal-impjant eżistenti. Matul l-1904 ġew installati żewġ unitajiet ta’ ġenerazzjoni li kellhom kapaċità ta’ 600 KW. Dawn inxtraw mingħand Westinghouse Beliss, u ECC Beliss rispettivament. Fl-1915 ġie installat impjant ieħor li żied il-kapaċità ta’ ġenerazzjoni b’500 KW oħra. Dan l-impjant kien ordnat mingħand Ljungstrom Brush.

1894-1896

Is-sena 1894 rat it-tlugħ tal-ewwel servizz pubbliku tal-elettriku fil-Gżejjer Maltin. Il-Power Station Ċentrali, kif kienet magħrufa f’dak iż-żmien, ittellgħet taħt l-Għolja tal-Kurċifiss, faċċata tal-Port il-Kbir, fil-limiti tal-Furjana. It-tagħmir kien jinkludi sett ta’ erba’ unitajiet ta’ ġenerazzjoni jaħdmu bil-fwar li kellhom kapaċità ta’ 350KW. Fil-bidu nett din kienet tintuża sabiex jinxtegħlu t-toroq iżda mbagħad ħadet post it-town gas bħala illuminazzjoni fid-djar u bini ieħor, u aktar tard fl-industrija. L-ewwel dawl elettriku pubbliku ġie installat fil-Belt Valletta u l-Furjana. Matul l-istess sena, il-provvista ġiet estiża għall-Ħamrun, Bormla, il-Birgu u l-Isla (Il-Kottonera). Il-provvista f’dak iż-żmien kienet single-phase b’100 ċiklu. L-impjant kien skedat li jiġi inawgurat fl-1895 iżda minħabba diffikultajiet u d-dewmien fix-xogħol, dan ġie estiż għas-sena ta’ wara. L-ewwel impjant ta’ ġenerazzjoni ġie ordnat mingħand Modley Brush.

1890

Il-Gvern ta’ Malta, bl-intervent tas-Segretarju tal-Istat għall-Kolonji, ikkummissjona l-ewwel studju tal-fattibbiltà (li kien jinkludi aspetti kemm tekniċi kif ukoll ekonomiċi) biex jagħti parir dwar l-introduzzjoni tal-provvista ta’ kurrent elettriku f’Malta. Dan ir-rapport tħejja mis-Sur William H. Preece, Inġinier Konsulent, u ntbagħat lill-Gvern ta’ Malta fl-1 ta’ Diċembru 1890.

Ir-rapport irrakkomanda l-introduzzjoni ta’ sistema ta’ kurrent alternat ta’ pressjoni għolja sabiex tipprovdi l-enerġija għal 10,000 bozza ta’ 10-candle power kull waħda. Kien stmat li l-impjant jiġi jiswa £40,000. Il-proġett kien jinkludi l-estensjoni tal-mejns lejn il-Belt Valletta, il-Furjana, it-Tlett Ibliet, il-Ħamrun u Tas-Sliema.

1883

Għan-nom ta’ Eastern Electric Light and Power Co. Ltd, Chev. Edward Rosenbusch għamel l-ewwel dimostrazzjoni tal-elettriku għall-użu mill-konsumatur fir-residenza privata tiegħu, f’numru 27, Triq il-Merkanti, Il-Belt Valletta. Huwa stieden diversi dinjitarji lokali u membri tal-pubbliku biex jaraw il-bidu ta’ era ġdida tal-provvista tal-elettriku għall-konsumaturi. Waqt din id-dimostrazzjoni, huwa għamel installazzjoni sempliċi tad-dawl elettriku.

1882

Id-dawl elettriku ġie introdott għall-ewwel darba f’Malta waqt l-opraUn Ballo in Maschera fir-Royal Opera House, fil-Belt Valletta. Matul l-istess sena, Piazza San Giorgio nxtegħlet ukoll bid-dawl elettriku.

L-impjant CCGT il-ġdid imħaddem bil-gass ta’ Delimara 4Il-Prim Ministru flimkien ma tfal min Marsaxlokk u Birzebbugia jitful l-HFO pipeline ta’ Delimara Power Station

L-impjant tal-gass ta’ Delimara 4

Malta – Italy Interconector

Twaqqiegħ taċ-ċumnija ta Marsa Power Station

Il-Power Station ta’ Delimara

Il-Power Station tal-Marsa

Workers assembling one of the three 30MW turbines at the Marsa Power Station (1978 – 1987)

One of the B Station’s boilers, soon after it was erected.

The B Station’s turbine hall.

William H. Preece, (1864) who was the first consultant for the Malta Government in connection with the electricity supply in Malta

Invitation for a demonstration of electricity lighting in a private house in Valletta in 1894, by Chevalier Edward Rosenbusch

Lying of the submarine cable between Malta/Comino/Gozo Channel to supply electricity for the mainland

Decorative lamps posts at the Customs place in the early fifties

The Malta Water Power Station at Marsa

The first Malta Power Station erected at Crucifix Hill Floriana in 1895. Photo taken in the late forties after the Second World War.

The post Dwarna – L-istorja tal-elettriku appeared first on Enemalta.

Dwarna-L-Interconnector bejn Malta u l-Italja

Lorraine Gravino — Mon, 19 Nov 2018 08:23:48 +0000

L-Interconnector bejn Malta u l-Italja

B’aktar minn 98 km ta’ kejbils f’qiegħ il-baħar, kważi 20 km ta’ kejbils fuq l-art, kapaċità ta’ fluss bidirezzjonali ta’ 200 MW ta’ elettriku b’230 kV, l-Interconnector bejn Malta u l-Italja huwa wieħed mill-itwal interconnectors ta’ kurrent alternanti b’vultaġġ għoli, tal-kapaċità tiegħu fid-dinja.

Aħna nużaw dan l-Interconnector bejn Baħar iċ-Ċagħaq, f’Malta u Marina di Ragusa, fil-gżira Taljana ta’ Sqallija, biex nikkonnettjaw il-grid nazzjonali Maltija man-netwerk tal-enerġija Ewropew. Permezz ta’ din l-infrastruttura, aħna niksbu kapaċità addizzjonali ta’ 200 MW ta’ elettriku impurtat biex nissodisfaw il-ħtiġijiet tal-elettriku tal-klijenti tagħna.

Fl-2010, aħna qabbadna lill-kumpanija Norveġiża Nexans biex timmanifattura u tqiegħed l-interconnector f’qiegħ il-baħar u tissorvelja x-xogħlijiet relatati kollha fuq l-art fil-Magħtab f’Malta, u f’Ragusa, fil-gżira Taljana ta’ Sqallija. Sal-aħħar tal-2013, it-terminal station fil-Magħtab kien kważi lest. Dan l-istazzjon jinkludi switchgear iżolat bil-gass, shunt reactors, transformers u tagħmir ieħor biex jimmonitorja u jikkontrolla l-elettriku trasferit permezz tal-kejbil f’qiegħ il-baħar, qabel ma jiġi distribwit lill-grid Maltija.

Ix-xogħlijiet l-oħra li kien fadal twettqu matul l-2014. Nexans użat il-bastiment speċjalizzat tagħha li jqiegħed il-kejbils, biex iġġib il-kejbil ta’ qiegħ il-baħar mill-faċilità ta’ manifattura tagħha f’Halden, fin-Norveġja, għall-Baħar Mediterran, f’żewġ lottijiet. Il-kejbil ta’ qiegħ il-baħar inġibed għal fuq l-art permezz ta’ mina fil-Bajja ta’ Qalet Marku, kilometru ’l bogħod mit-Terminal Station tal-Magħtab, u ġie installat f’kanal tal-konkrit rinforzat.

Fi ftit xhur, il-kejbil ta’ qiegħ il-baħar tpoġġa u ntradam f’qiegħ il-baħar bejn iż-żewġ gżejjer. L-Enemalta rat li dan il-proċess ma jfixkilx l-ambjent marittimu tal-Mediterran, u hemm fis-seħħ miżuri speċjali biex tiġi mħarsa l-Posidonia Oceanica endemika, speċi protetta ta’ ħaxix tal-baħar li tikber f’din il-parti tal-Baħar Mediterran.

L-Interconnector jgħaqqad il-grid Maltija man-netwerk tal-enerġija Ewropew permezz ta’ substation operat mill-operatur tas-sistema tat-trażmissjoni Taljan Terna, f’Ragusa. Hawnhekk, l-istazzjon tal-Enemalta jinkludi switchgear fuq barra iżolat bl-arja, shunt reactors u tagħmir għall-protezzjoni u l-kontroll tal-konnessjoni mal-grid Taljana.

F’Settembru 2014, il-kejbil ta’ qiegħ il-baħar inġibed għal fuq l-art f’Marina di Ragusa. Kejbils taħt l-art tul 19-il kilometru ta’ toroq sekondarji jgħaqqdu l-interconnector ta’ qiegħ il-baħar mal-iswitchgear fis-substation. Il-kejbil ta’ qiegħ il-baħar jinkludi wkoll żewġ clusters tal-fibra ottika għat-trasferiment tad-data.

F’Jannar 2015, is-sistemi kollha kienu lesti u beda l-ittestjar finali. L-ewwel sinkronizzazzjoni tan-netwerks Taljani u Maltin permezz tal-Interconnector seħħet b’suċċess f’Marzu 2015.

L-Interconnector bejn Malta u l-Italja mhux biss kien xi ħaġa ġdida għal Malta, iżda wkoll pass teknoloġiku importanti ’l quddiem fl-iżvilupp ta’ dan it-tip ta’ interkonnessjoni tal-elettriku madwar id-dinja. Huwa temm l-iżolament tal-Gżejjer Maltin min-netwerk tal-enerġija Ewropew u pprovda sigurtà tal-provvista u flessibbiltà akbar fis-servizzi tagħna tal-elettriku.

[See image gallery at _]

The post Dwarna-L-Interconnector bejn Malta u l-Italja appeared first on Enemalta.

In-netwerk tagħna

Lorraine Gravino — Mon, 19 Nov 2018 08:05:39 +0000

In-netwerk tagħna

L-inġiniera u t-tekniċi tagħna huma fdati bl-iżvilupp, il-manutenzjoni u t-tħaddim tal-grid tad-distribuzzjoni tal-elettriku nazzjonali; is-sistema’ li tiddistribwixxi l-elettriku minn sorsi differenti tal-enerġija lill-klijenti kollha tagħna fil-Gżejjer Maltin.

Id-distribuzzjoni tal-elettriku minn sorsi differenti: mill-Power Station ta’ Delimara, mit-Terminal Station tal-Interconnector bejn Malta u l-Italja fil-Magħtab u minn diversi sorsi ta’ enerġija rinnovabbli mqabbda mal-grid f’diversi partijiet tal-pajjiż lill-klijenti tagħna tinkiseb permezz ta’ netwerk f’erba’ livelli, li jinkludi erba’ livelli differenti ta’ vultaġġ, 132 kV, 33 kV, 11 kV u 400/230 V. Permezz ta’ din is-sistema, aħna nfittxu li niddistribwixxu l-elettriku lill-klijenti kollha tagħna madwar il-pajjiż, bl-anqas livelli possibbli ta’ telf tekniku. Il-frekwenza tal-provvista tal-elettriku f’Malta hija 50 Hz.

L-elettriku mill-Power Station ta’ Delimara u t-Terminal Station tal-Magħtab jiġi distribwit lil erba’ ċentri tad-distribuzzjoni ta’ 132 kV (substations primarji), tnejn fil-Marsa u wieħed kull wieħed fil-Kappara u l-Mosta, permezz ta’ aktar minn 90.8 kilometri ta’ cables ta’ 132 kV taħt l-art. F’dawn iċ-ċentri, il-vultaġġ jitniżżel għal 33 kV sabiex l-elettriku jkun jista’ jintbagħat lejn 21 ċentru tad-distribuzzjoni oħra ta’ 33 kV (substations primarji), 18 f’Malta, 2 f’Għawdex, u 1 f’Kemmuna. Din il-parti tan-netwerk tinkludi 339 kilometru ta’ cables ta’ 33 kV taħt l-art u 13-il kilometru ta’ cables ta’ 33 kV taħt il-baħar.

Kull ċentru tad-distribuzzjoni ta’ 33 kV iwassal il-provvista f’għadd ta’ ċirkwiti ta’ 11 kV, il-biċċa l-kbira f’konfigurazzjoni radjali, li jissupplixxu ’l fuq minn 1,580 substation ta’ 11 kV (substations sekondarji). Din il-parti tas-sistema tinkludi 1,245 kilometru ta’ kejbils ta’ 11 kV taħt l-art u ftit kilometri oħra ta’ linji ta’ vultaġġ għoli fil-għoli, il-biċċa l-kbira f’żoni rurali. Fejn huwa possibbli, qegħdin inneħħu l-linji ta’ vultaġġ għoli fuq l-arbli u nissostitwuhom b’cables taħt l-art, li huma anqas esposti għall-ħsarat bil-maltemp u diffikultajiet oħra.

Fis-substations sekondarji tagħna ta’ 11 kV, l-elettriku jitniżżel għal 400/230 V biex jissupplixxi l-proprjetajiet tal-klijenti tagħna, inklużi residenzi, negozji u bini ieħor, permezz ta’ netwerk ta’ cables taħt l-art u linji fuq l-arbli jew brackets ta’ erba’ wajers, ta’ vultaġġ baxx, three-phase.

Il-livelli tekniċi tas-servizzi tal-elettriku tagħna huma speċifikati fiċ-Charter tal-klijenti tagħna.

IL-GRID NAZZJONALI

IL-KODIĊI TAN-NETWERK – DOKUMENT

The post In-netwerk tagħna appeared first on Enemalta.

Dwarna – Il-Power Station ta’ Delimara

Lorraine Gravino — Fri, 16 Nov 2018 14:18:59 +0000

Il-Power Station ta’ Delimara

Il-kumpless tal-Power Station ta’ Delimara f’Marsaxlokk jinkludi l-erba’ impjanti ta’ ġenerazzjoni tal-elettriku li aħna nħaddmu ta’ kuljum sabiex nipprovdu l-enerġija elettrika meħtieġa mill-klijenti tagħna f’Malta u Għawdex.

Il-kapaċità nominali kombinata totali installata ta’ din il-power station hija 537.8 MW. It-taħlita enerġetika ta’ Enemalta plc tinkludi wkoll diversi sorsi ta’ enerġija rinnovabbli konnessi mal-grid kif ukoll l-Interconnector ta’ 200 MW bejn Malta u l-Italja.

Iż-żewġ unitajiet prinċipali f’operazzjoni regolari huma d-DPS Fażi 4, sistema CCGT ta’ 205 MW li taħdem bil-gass naturali kkummissjonata fl-2017, u d-DPS Fażi 3, l-impjant ta’ 152.8 MW tal-2012 li jaħdem b’magna diesel li reġa’ nbena biex jaħdem bil-gass naturali u l-gasoil, minflok bil-heavy fuel oil, fl-2017 ukoll. Dawn iż-żewġ impjanti huma operati mis-sħab strateġiċi tagħna Electrogas Malta u Delimara 3 Power Generation Ltd rispettivament.

Barra minn hekk, aħna noperaw ukoll żewġ impjanti li jaħdmu bil-gasoil, id-DPS Fażi 2A OCGT tal-1994, u d-DPS Fażi 2B CCGT tal-1999, b’kapaċità nominali kombinata ta’ 180 MW. Dawn l-unitajiet jintużaw bħala kapaċità standby waqt emerġenzi jew meta sorsi oħra ma jkunux disponibbli.

Il-Power Station hija mqabbda man-netwerk nazzjonali tal-elettriku permezz ta’ erba’ outgoing feeder cables ta’ 132 kV u sitt outgoing feeder cables ta’ 33 kV.

Speċifikazzjonijiet tal-Power Station ta’ Delimara

OUTGOING FEEDERS

Erba’ outgoing feeders ta’ 132 kV
Sitt outgoing feeders ta’ 33 kV

IMPJANT TA’ ĠENERAZZJONI

DPS Fażi 2A

Operatur: Enemalta plc.
Ġeneraturi tal-elettriku: 2 x ġeneraturi Brush ta’ 47 MVA (37.5 MW b’0.8 pF), imħaddma b’turbini tal-gass JBE, li jiġġeneraw 11 kV, imtella’ għal 33 kV.
Turbini: 2 x turbini tal-gass JBE (GE) MS6001B ta’ 37.5 MW.

DPS Fażi 2B

Operatur: Enemalta plc
Ġeneraturi tal-elettriku: 3 x ġeneraturi Brush ta’ 55 MVA (44 MW b’0.8 pF), imħaddma b’turbini tal-gass JBE, li jiġġeneraw 13.8 kV, imtella’ għal 132 kV.
Turbini: 2 x turbini tal-gass NP (GE) MS6001B ta’ 38.5 MW u 1 x turbina tal-fwar GE ta’ 38 MW, sliding pressure 17-50 bar (a),504 ^o
Ġeneraturi tal-fwar (bojlers): 2 x 65t/h Stork Ketels, 50 bar (a) f’504 ^oC, mhux imqabbda (irkupru tas-sħana residwa tat-turbini tal-gass).

DPS Fażi 3

Operatur: Delimara 3 Power Generation Ltd
Ġeneraturi tal-elettriku: 8 x ġeneraturi ABB ta’ 21 MVA (17 MW b’0.8 pF), imħaddma b’magna diesel Wartsila (8), li jiġġeneraw 15 kV, imtella’ għal 132 kV, u 1 x ġeneratur Converteam ta’ 16.5 MVA (13.2 MW b’0.8 pF), imħaddem b’turbina tal-fwar Dresser Rand, li jiġġenera 15 kV imtella’ għal 132 kV. Magni 1 sa 4 fjuwil wieħed: 4 x magni Wartsila ta’ 18.3 MW, four-stroke, 18-il ċilindru. Magni 5 sa 8 fjuwil doppju: 4 x magni Wartsila ta’ 16.6 MW, four-stroke b’injezzjoni diretta tal-fjuwil, 18-il ċilindru.
Turbina tal-fwar: (1.65 MW kull magna), massimu ta’ 13.2MW
Ġeneraturi tal-fwar (bojlers): 8 x 8 t/h Aalborg, 14.5 bar f’357 oC, mhux imqabbda (irkupru tas-sħana tal-magna diesel).

DPS Fażi R

Operatur: Electrogas Malta Ltd
Ġeneraturi tal-elettriku: Tliet ġeneraturi mħaddma b’turbini tal-gass. Ġeneraturi 50.5 MWe Siemens SGT-800, 64.97 MVA Siemens, li jiġġeneraw 11 kV u mtella’ għal 132 kV.
Turbina tal-fwar: Ġeneratur 66.0 MWe Siemens SST-900, 88.1 MVA Siemens, li jiġġenera 11 kV, imtella’ għal 132 kV.
Ġeneraturi tal-fwar: Tliet Bojlers bi Pressjoni Doppja Aalborg f’64.5 t/h, 81.4 bar f’511 °C (Fwar bi Pressjoni Għolja) u 11.7 t/h, 6 bar f’285 °C (Fwar bi Pressjoni Baxxa)

Unità tar-rigassifikazzjoni

Operatur: Electrogas Malta Ltd

Kapaċità ta’ ħażna tal-gass: Il-kapaċità ta’ ħażna totali ta’ LNG fl-FSU tammonta għal 126,000 m3. Kapaċità grossa tas-Suction Drum ta’ 7 m3 f’10 barg.

Pompi tal-LNG: 4 x pompi HP LNG mgħaddsa 50% b’mod vertikali (kull waħda 65 m3/siegħa fi 880 m head b’electric drive ta’ 132 kW). 2 x pompi LNG fuq skala żgħira mgħaddsa 100% b’mod vertikali (kull waħda 25 m3/siegħa fi 880m head b’electric drive ta’ 132 kW).

Intermediate Fluid Vaporisers (IFVs): 2 x 100% Intermediate Fluid Vaporisers f’89 m3/siegħa kull wieħed b’kapaċità ta’ turndown ta’ 5-100%.

Kompressuri tal-Boil-Off Gas (BOG): 3 x kompressuri BOG ta’ 100% 1.51 MW (imħaddma bl-elettriku) kull wieħed 6,000 Nm3/siegħa għal ħidma normali u 15,000 Nm3/siegħa waqt trasferiment minn vapur għal vapur.

The post Dwarna – Il-Power Station ta’ Delimara appeared first on Enemalta.

Profil tal-kumpanija

Lorraine Gravino — Fri, 16 Nov 2018 14:07:10 +0000

Profil tal-kumpanija

L-Enemalta, li ġiet stabbilita fl-1977, hija l-fornitur ewlieni tas-servizzi tal-enerġija fil-Gżejjer Maltin, fdata bid-distribuzzjoni tal-elettriku, u l-iżvilupp tan-netwerk tad-distribuzzjoni nazzjonali tal-elettriku.

L-għan tal-Kumpanija huwa li toffri servizzi affidabbli lill-klijenti tagħha, filwaqt li tiżviluppa infrastruttura effiċjenti tal-elettriku sabiex tipprovdi għall-ħtiġijiet enerġetiċi tal-pajjiż.

F’dawn l-aħħar snin, il-Kumpanija nediet investimenti bla preċedenti sabiex tittrasforma l-infrastruttura tal-ġenerazzjoni tal-elettriku tagħha, issaħħaħ in-netwerk tad-distribuzzjoni, tikkonsolida l-kwalità tas-servizzi tagħha u tikseb sostenibbiltà finanzjarja fit-tul.

Bħala riżultat ta’ din it-trasformazzjoni, l-Enemalta issa qiegħda tipproduċi l-elettriku permezz ta’ taħlita effiċjenti u li ma tagħmilx ħsara lill-ambjent li tinkludi impjanti ġodda li jaħdmu bil-gass, elettriku impurtat permezz tal-Interconnector bejn Malta u l-Italja u sorsi tal-enerġija rinnovabbli konnessi mal-grid.

Fl-istess ħin, hija impenjata wkoll f’investiment kontinwu fil-manutenzjoni u t-tisħiħ tan-netwerk nazzjonali tal-elettriku, sabiex iżżid ir-redundancy tal-grid u l-flessibbiltà fil-Gżejjer Maltin. Il-Kumpanija tadotta programmi ta’ titjib kontinwu fil-livelli tekniċi u amministrattivi kollha sabiex iżżid kontinwament il-kwalità tas-servizzi tagħha, biex iżżid l-effiċjenza tal-operazzjonijiet tagħha u biex tikkonsolida l-ħiliet u l-kapaċitajiet tal-impjegati tagħha.

Permezz ta’ dawn l-isforzi, l-Enemalta tfittex li tilħaq l-objettivi strateġiċi tagħha filwaqt li twettaq id-dikjarazzjoni tal-missjoni prinċipali tagħha; li tipprovdi soluzzjonijiet enerġetiċi aktar nodfa, aktar siguri u sostenibbli, filwaqt li taħdem biex tilħaq u taqbeż l-aspettattivi tal-klijenti billi tagħti s-setgħa lill-impjegati u tipprovdilhom opportunitajiet ta’ żvilupp.

The post Profil tal-kumpanija appeared first on Enemalta.

Iċ-Charter tagħna għall-klijenti

Lorraine Gravino — Thu, 18 Jan 2018 07:36:39 +0000

Iċ-Charter tagħna għall-klijenti

Iċ-Charter għall-klijenti tagħna jispjega t-termini u l-kundizzjonijiet tas-servizzi tagħna, fosthom l-impenji u r-responsabilitajiet tagħna lejk bħala l-klijent tagħna, l-obbligi korrispondenti tiegħek lejn il-Kumpanija tiegħek, kif ukoll id-dettalji dwar l-għajnuna li nipprovdulek meta l-affarijiet imorru ħażin.

Niżżel iċ-Charter tagħna għall-klijenti (Malti)

The post Iċ-Charter tagħna għall-klijenti appeared first on Enemalta.