Ara għaliex importanti l-manutenzjoni tas-substations

01.02.2023

Is-substations huma holqa importanti fil-katina li tifforma s-sistema tad-distribuzzjoni tal-elettriku. It-tagħmir fis-substations irid jinżamm fi stat tajjeb biex jiġu evitati interruzzjonijiet fil-provvista tal-elettriku.

It-tim tal-inġiniera u t-tekniċi tagħna għandhom skeda ta’ xogħlijiet ta’ manutenzjoni għal kważi elfejn substations li jnsabu mifruxa fil-lokalitajiet kollha.

F’din il-manutenzjoni jiġi spezzjonat it-tagħmir kollu mit-transformers sas-switchgear. Meta jkun meħtieġ jinbidel iż-żejt tat-transformers kif ukoll isir tibdil fit-tagħmir u t-tindif tiegħu.

Waqt li isiru dawn ix-xogħlijiet, ikollha nitfgħu s-substations biex ma jkunx hemm perikli għal ħaddiema.  Waqt li nagħmlu dan, navżaw lil klijenti affettwati dwar sospensjoni temporanja tal-elettriku  sakemm titlesta l-manutenzjoni.